تحدثت الفنانة ساندي عن كواليس فيلم تاج بطولة نجم الجيل تامر حسني، موضحة أن العمل مع تامر حسني لطيف للغاية وأنه يشجعه ويدعمها بشكل كبير، وقالت ساندي خلال لقائها في برنامج "The Insider": "تامر لما يلاقيني قلقانة بيفضل يهديني".

ساندي تكشف عن شخصية تامر حسني

وأضافت ساندي : "وأحيانا بيديني الريأكشن بتاعي اللي أعمله عشان أركز وأطلع الإحساس مظبوط، الفيلم نقلة كبيرة في السينما وتامر تعب جدا فيه هو كأنه فيلم غربي وكل حاجة معموله بشكل حلو


وتابعت: "تامر حسني قالي قصة فيلم تاج من حوالي سنة ونص، ومتوقعتش أنه يختارني بطلة للفيلم، وهو دايما بيقول أنه متأثر بعد الحليم حافظ ومايكل جاكسون وسوبر مان، بعدين عمل فيلم بحبك الأول".

وأختتمت: "وبعد فترة اتقابلنا في فرح أحمد عصام واتكلمنا تاني وطلب مني أعدي عليه وقت التصوير روحت وحكالي الفيلم تاني وقالي أنتي معانا، وبعدها كلم المخرجة سارة وفيق وقالها وهي رحبت بيا جدًا".

سبب عدم إخراج تامر حسني لفيلم تاج

وعن عدم إخراجه فيلم تاج مثلما فعل في فيلم بحبك علق: "مكنتش ناوي أخرج كل أعمالي، دي مرة حسيت الموضوع رومانسي بحت، والسكة دي بحبها لأن الأغاني بتاعتي سنين عشت معاها، ولذلك حبيت مرة أخرج وأبين الحالة كـ كاتب ومؤلف ومخرج أغاني العمل".

وأضاف: "حتى أغنية الفيلم أدلعني من كلماتى وألحانى، حبيت أعمل عمل كله لأول مرة كله مشارك والحمدلله فرحت بيه جدًا، لأن ده كان تحدي في حياتى خطير جدا، وحقق أعلى إيرادات في تاريخ السينما المصرية والعربية".