ثم رد الفنان صلاح عبدالله على التصريحات الموجهه له بأنه سيمنع بناته من دخول الوسط الفني قائلا: "مقلتش بالمعنى ده، ودا اتقال على دنيا الكبيرة والناس بيستغلوه غلط، أنا عايش في الشغلانة وشايف المشقة والمشاكل بتاعتها، وأخطر حاجة فيها المشاكل النفسية والعصبية، تبقى الأولى وخايفة تبقى التانية أو التالتة، واللي تحت مش عارف يطلع".

وأكمل حديثه قائلاً: "منطقي مش عاوز أشوف بنتي تعاني من اللي زميلاتي بيعانوه، وبنتي كانت حابة وبتيجي معايا المسرح وهي صغيرة، وهي موهوبة، وخليتها تتجه للإعلام وبعد كده خلاص القرار بتاعها، وهي لو عاوزة تمثل تمثل".

جدير بالذكر أنه وضح الفنان  أن القناع الصعيدي المحافظ مازال يسيطر على بعض أفكاره واصفاً : "فيه بعض حاجات زي لبس معين وحاجات الموضة الجديدة زي الفيديوهات زي أي أب بيخاف على بناته ولو فيه حاجة كده يظهر اللي انتي سمتيه - قناع الصعيدي المحافظ، ولو مش عاجباني كأني مشفتهاش".