بالصور.. سما المصري توجه رسال للحكومة: «مفيش وزير عنده نظر»

وجهت الفنانة الاستعراضية سما المصري، رسالة للحكومة عبر حسابها الشخصي على موقع الصور الشهير "إنستجرام".

وقالت: «أعمدة الكهرباء في شارع قصر العيني منورة في عز النهار.. إيه ياحكومة مش قادرة على دول وشاطرين علينا إحنا وبتقولوا نوفر في الكهرباء.. طب شوفوا شغلكم الأول».

وتابعت في رسالتها: «ياحلاوتك ياحكومة مفيش وزير عنده نظر ولا في عينه حصوة ملح يشوف الأعمدة المنورة دي وهو معدي ولا بيبقى بيتكلم في المحمول ومش فاضي، والآخر الحكومة تقول رشدوا استهلاك الكهرباء، ياحكومة عيب أحسن أعملكم أغنيه وترجعوا تزعلوا».

وأضافت سما: «والله لو السيسي شاف المنظر دا ليشيلكوا كلكم من كراسيكوا مفيش فايدة الحكومات دايمًا سبب أزمات الشعوب.. حرام عليكوا حللوا الفلوس اللي بتقبضوها اتقوا الله يابشر وحسوا شويه بالناس».