نجيب ساويرس يفجر مفاجآت بشأن الحالة الصحية لـ عادل إمام
153
تصدرت تصريحات رجل الأعمال نجيب ساويرس، ترند مؤشرات البحث بعدما كشف تفاصيل الحالة الصحية عن الزعيم عادل إمام، وتستعرض بوابة المواطن الإخبارية أبرز التصريحات خلال الأسطر التالية.
تصريحات نجيب ساويرس
قال نجيب ساويرس: «زرت الزعيم عادل إمام لأن فيه حالة عشق بيني وبينه وتاريخ كبير من المحبة والصداقة، وتقديرا لذلك شرفنا بالحضور في مهرجان الجونة السينمائي».
وتابع: «عادل إمام في سنه ميقدرش يسافر الجونة تاني واحنا كرمناه في المهرجان وده من الحاجات اللي أسعدتني ومن الذكريات الجميلة اللي الواحد يحب يسترجعها ويشوفها».
وأضاف نجيب ساويرس: «عادل إمام كبر بس هو كويس أوي وبيضحك ويهزر وأول لما شافني خدني بالأحضان وربنا يديله الصحة ويبعد عنه الناس الوحشة».
تصريحات نجيب ساويرس عن مهرجان الجونة
وقال نجيب ساويرس:«السبب وراء توقف مهرجان الجونة السينمائي إن كان فيه مضايقات ونقد إعلامي غير مبرر، مينفعش أعمل خير ويقعدوا يشتموا، سابوا السياحة كسبت قد ايه والسيناريو والأفلام المعروضة والشخصيات العالمية اللي حضرت ومسكوا في الفساتين ودي هيافة».
وأضاف:«فيه تأشيرات خاصة بشخصيات عالمية مبتخلصش وده من الأسباب اللي كانت سبب في توقف مهرجان الجونة السينمائي.. ورجعت مهرجان الجونة السينمائي علشان حسيت إن الناس عايزة فرح والمهرجان عنوانه صناعة الفرح».