تحدث رضا البحراوي عن حب الناس بالنسبة له قائلًا: "حاسس بحب الناس ليا وهو توفيق من الله عز وجل وبركة دعاء الوالدين والحمد لله، انا اهتميت بالغناء وانا عندي 8 سنين وكنت عايش في منطقة شعبية في طنطا وكنت بغنى في الشارع وفي بعض الأفراح، ومكنتش حاسس ان صوتي حلو ولكن لما غنيت في الشارع الناس قالولي صوتك حلو".

وقال المطرب رضا البحراوي إنه عمل كل شيء وهو صغير، قائلًا: "اشتغلت كل حاجة وأنا صغير، ووالدي ووالدتي على قد حالهم، كنت بشتغل بـ 10 جنيه أو 15 جنيه مصروفي ومكنتش بشرب سجائر أو أي شيء، وكنت بحس أني بساعد في البيت ومكنتش أتخيل أن أوصل للي وصلت ليه دلوقتي".

وتابع رضا البحراوي: "كان عندنا سيارة ميكروباص واشتغلت عليها كمسرى 3 سنين ووالدي كان بيحضر معايا الأفراح اللي بغنى فيها في البداية وبعدين تعب وماقدرش ييجي معايا بعد كده".

وأضاف: "أنا براعي ربنا في كل حاجة وببر أهلي وأشقائي وبحب أهلي للغاية خاصة والدتي اللي بعتبرها كل حاجة في حياتى".