وقالت "إحنا مكناش بنقول لأن هو مكنش عارف طبيعة المرض، كان عارف أن عنده ورم بالمخ واتشال وأنه ورم حميد مش خبيث، وكان لما بيسأل ليه بعمل العلاج ده، هو مخدش كيماوي حقن، كان بياخده كبسولات مع نوعيات من العلاج الإشعاعي وحاجات تانية مختلفة"

واستكملت: "كان بيتعالج مع أحسن دكاترة موجودين في مصر وكان فيه بروتوكول معمول مع فرنسا، محصلش أي تقصير في حالته بس طبيعة نوع الورم اللي عنده أنه نشط".

وقد صرحت في وقت سابق، عبر فضائية "العربية" عن الأزمة الكبيرة التي يعاني منها زوجها المصاب بحالة مرضية خطيرة تجعله محتاجاً لرعاية خاصة بأجهزة طبية في ظل انقطاع الكهرباء.

زوجة أشرف مصيلحي تستغيث من قطع الكهرباء 

وتابعت "أشرف حالته مش كويسة والحمد لله على كل حال ربنا يشفيه يارب ويعافيه، أنا بس ما كنتش طالبة حاجة أكتر من أنه كنت عرفت أن هو لو في حالة حرجة موجودة نبلغ عنها أن النور ما يقطعش أو بيقطع فترات قليلة، أشرف ماينفعش يقعد في حر لأن هو نسبة الالتهاب في جسمه عالية فحرارته بتعلى وأما حرارته بتعلى بيتعب جداً، وفي أجهزة هو بيستخدمها، وفي مرتبة هواء هو بيستخدمها، أنا جبت جنريتور الحقيقة"

وأكدت المخرجة منال الصيفي إنها تحتاج إلى مولد كهرباء آخر مختلف عن الموجود لديها حاليا، لأن هو ما شغلش التكيف ويومها حرارته عليت والدكتور مانع تماماً فكرة أن النور يقطع ويرجع لأنه لو أتعرض للالتهاب الرئوي ممكن تحصل كارثة تانية لأن المناعة في جسمه قليلة نتيجة الحالة المرضية اللي هو فيها.