من هي مرفت مرسي. ؟؟؟

  انا اعرف مرفت مرسي من الحضانة

كانت معايا في المدرسة وفي الكلية

هي من مدرسة النصر بمصر الجديدة ايام ميسز مرسي سعد الدين ...
 خريجة فنون جميلة الزمالك قسم ديكور شعبة عمارة داخلية  ..

لو هاتكلم عن انجازتها ....
انا شخصيا كنت معاها خطوة بخطوة في مشوار تعديل القانون بتاع ال10%  من اول جمع توقيعات ال 100 صوت لحد صدور القانون ...

انا ماكنتش مصدقة في الأول ان القانون هايصدر ..

ولو هاكلمكم عن شخصيتها...
 فإن الحاحها الي مش عاجب ناس كتير هو اللي جاب لنا القانون بتاع ال 10 %  

انا دايما باقول لها انت عندك إصرار عجيب .. لما بتصري على شيء بتحققيه بالتخطيط والعمل الجاد والمستمر  ...

ما فيش حد ملاك عايش في الدنيا

 ولكن الفكرة ببساطة في موضوع انتخابات النقيب هي
 ان المرحلة الحالية في حياة النقابة ( انها مريضة مرض الموت )  بس النقابة مش محتاجة لطبيب كبير  لعلاجها ...

النقابة محتاجة بس لطبيب عناية مركزة شاطر  يفضل واقف على رجليه و مركز في كل التفاصيل و ما يزهقش ويصر على الأمل في الحياة ...

كلنا عارفين حال النقابة ... واكتر واحدة هي مرفت مرسي ... لأنها رغم الحال الواقف في كل الشعب .. الا نها فعلا خدمت الأعضاء وجابت شقق مدعومة ولها إنجازات تحسب لها في فترة الركود للنقابة ...

انا على فكرة دخلت الانتخابات بالحاح من مرفت لأن عندها القدرة عالية على الإقناع ..

هي تعرفني كويس وتعرف حبي وشغفي للعمل التطوعي واقنعتني ان من حق النقابة عليا اني لا ابخل عليها بمجهودي..

انا مش بروج لمرفت علشان تكون نقيب.
 بس فعلا المرحلة القادمة شغلها كتير وفي كل الاتجاهات
والنقابة  محتاجة صحة ونشاط
 ومرفت مرسي الله اكبر عليها أصغر مرشح تقدم  لمقعد النقيب في تاريخ النقابة
 وده توجه عام للدولة لتمكين الشباب والمرأه من المراكز القيادية

واحنا شايفين ا.د. أحمد هنو من الوزراء الشباب في الوزارة وكلنا فخورين به جدا وعندنا ثقة في قدراته رغم انه في سن مرفت تقريبا

واللي بيحصل المرة ده في الانتخبات جديد علينا كلنا بس صدقوني مبشر بالخير