حل الشقيقين أحمد، وكريم فهمي، ضيفين على برنامج «معكم» للإعلامية منى الشاذلي، والمذاع على فضائية «سي بي سي».

وروى الفنان أحمد فهمي، خلال اللقاء تفاصيل مشاجرة حدثت بين شقيقه وأحد الأشخاص في منطقة التجمع الخامس وقال «إن من سنتين كان كريم فهمي يواصل تصوير مسلسله حالة عشق في التجمع الخامس وفوجئت بمكالة هاتفية منه يبلغني فيها أنه بيتخانق مع واحد في الشارع، وأنا ساكن في أكتوبر وكنا في رمضان قبل السحور وقال تعالى دلوقتي أنا بتخانق وفيه ناس من الحرفيين هيضربوني».

وأضاف «حاولت أتكلم مع الولد اللي اتخانق مع كريم وأصلح الموقف فقال لي يا أحمد أخوك شتم أمي فقلت له عادى ممكن بيهزر فاعتذرت له والولد قال ثواني أجيب حاجة وهرب وكريم كمان سابنا ومشي وراح على التصوير، وساعتها ابن عمنا جالنا وكان عايز يجيب سلاح والموضوع كان هيكبر وساعتها القسم وجالنا فعلًا وروحت أنا وياسر القسم وكريم كان بيصور عادي».