بث الدكتور عمرو عبد الحكيم نجل المشير عبد الحكيم عامر فيديو له عبر موقع التواصل الاجتماعي "الفيس بوك" كشف فيه أن ما تمر به الدولة الآن هو تداعيات نظام مبارك وثورتين قائلًا: " الحقيقة المرة اللى عايشين فيها ومحدش عاوز يتكلم فيها ولا يعترف بيها وكل فصيل عمال يلبسها للتاني هي تداعيات نظام مبارك وثورتين فقبل ثورة يناير كان قضاة من أجل مصر حصلوا على كل النقابات والجامعات وعملوا بيزنس والاخوان اخترقوا نظام مصر تماما، القضاة الشرطة الملتحية، ده واقع فعلا حصل البلد كانت عاملة زي راجل واقف فى الدور ال20 على شفا البلكونة لو حد قاله بخ هيقع غير الفساد اللى شغالين فيه حاليا".

ولفت نجل المشير إلى أن ثوار يناير لا يعترفون بحالة الانفلات الأمني التى تشهدها البلاد حاليا، والتى نجم عنها امتلاء سيناء بالإرهابيين وتدهور الاقتصاد المصري نتيجة تلك الثورة.

وأضاف قائلا: " أي حد يتنصل من مسئوليته هيبقى عيل وانسان متعصب ومش قادر يشوف الصورة صح والأسباب الحقيقة اللى وصلتنا للى احنا فيه، وكلنا شاركنا فى اللى حصل سواء بالسكوت أو الأفورة، وإحنا بندفع الثمن ماديا، لكن فى ناس فى سيناء بتدفع التمن دمها، فلازم نكون فاهمين أن التمن اللى يدفعه الجيش والشرطة أغلى بكتير" .