أنشئ الفنان أحمد مكي، حسابًا رسميًا على موقع التواصل الاجتماعي "فيس بوك"، ليوضح لجمهوره سبب غيابه عن الساحة الفنية من العام الماضي وكشف حقيقة مرضه والظروف الصعبة التي كان يمر بها الفترة الماضية.

وكتب على حسابه الجديد قائلًا: "اللي خلاني أعمل الصفحة دي إني لقيت كم ناس سألت عليا لما غبت السنة اللي فاتت وبيستفسروا أنا اختفيت فين، وكنت حابب أشكرهم على سؤالهم عليا لأنه فعلا فرق معايا نفسيا وكنت محتاجه أوى".

وتابع: "أنا كان بقالي سنة تقريبا عيان جدا، كان عندي "فيروس" ضربلي الكبد والطحال.. مكنتش حتى أقدر أشرب بق ميه بسبب الطحال، أول شهرين من المرض، عشان الكبد كان عملي خمول، كنت بأنام من 18 لـ20 ساعة في اليوم خسيت فوق الـ30 كيلو وكنت شبه فاقد للأمل.

وختم رسالته قائلًا: " الحمد لله على كل حال، أنا دلوقتي خفيت تماما ووزني زاد تاني، واتعلمت كتير جدا في الرحلة دي، وكان فارق معايا جدا سؤالكم عنى، حسّيت إن ليا أهل مش جمهور، وإني فرقت معاهم لما غبت، ربنا يفرح قلوبكم زى ما فرحتوا قلبي، وأهلا بيكم في صفحتي".