فخامة الاستاذ المستشار معالي النائب العام
سعادة الاستاذ المستشار المحامي العام الاول لنيابات امن الدولة عليا طوارئ
تحية تقدير واحترام وبعد
مقدمة لسعادتكم د سمير صبري المحامي - ١٦٠ شارع الازهر بالقاهرة
ضد
المدعو يسري فودة - إعلامي - هارب للخارج
نلتمس من سعادتكم اصدار الامر بالتحقيق العاجل في البلاغ التالي:
فاض الكيل من تطاول وتدني حديث يسري فودة والذي يتعمد ارضاء اسيادة من الكارهين والحاقدين والعملاء والخونة والمرتزقة - يكرر التطاول وإهانة أعلي سلطة في الدولة حيث شبه الرئيس عبد الفتاح السيسي براقصة مشهورة - الراقصة تحية كاريوكا -، وجاء ذلك في أعقاب إعلان البرلمان سعودية جزيرتي تيران وصنافير
وكتب حرفيا إلى عبد الفتاح السيسي
تحية كاريوكا وبعد،
(معقول يسري فوده يستخدم لغة زي دي؟) معلش بقى ما أنت قلبت كل حاجة في مصر مسخرة. من يوم ما شخطت فينا وقلت: “برنامج انتخابي إيه؟!” إلى يوم ما وقفت وسط القضاة في جنازة النائب العام تشخط فيهم وتبهدلهم عشان يلاقولك حل، إلى يوم ما خليت عبد العال بتاعك يقول إن أحكام القضاء هي والعدم سواء
واضاف فودة: “متزعلش مني.. أنت لا تستحقها” وتحدث يسري فودة عن حادثة جمعته بالسيسي قائلا: شكرتك لما اتحركت لإنقاذي كمواطن مصري بعد حادث طريق، وكنت عارف أنك هترفض طلبي بدفع فاتورة الطيارة اللي نقلتني عشان يستفيد منها ناس تانية واضح أنها ماتهمكش. اتبرعت بالمبلغ للغلابة عشان أريح ضميري، والأهم من كده عشان الرسالة توصلك واضحة. أهديتك وقتها في المقابل حاجتين: مجلد مجموعة تحقيقات “سري للغاية”، وقطعة جلدية ناشفة من بيادة عسكري مصري من ضحايا 67 مخلوط فيها آثار الدم بالعرق بالرمل. تقدر تحتفظ بالمجلد. الحاجة التانية دي أنا عايزها بعد إذنك. ما تزعلش مني: أنت لا تستحقها
فودة: “انت حرقت وراك كل المراكب..”
وأنهى يسري فودة حديثه بهذه الكلمات: “انت حرقت كل المراكب..”إحنا عارفين وأنت عارف أنك حرقت وراك كل المراكب من زمان، وأنك مالكش خط رجعة. عارفين كلنا، وفاهمين تصرفاتك على هذا الأساس. المشكلة أننا عارفين أن أنت عارف أن مفيش للطريق ده غير نهاية واحدة محفوظة. فيلم ممل شوية، بس رعب الاحتمالات المتاحة هيموتك كل يوم 20 مرة. كل ما هو عبد العال يليق بك
مما سبق يتضح وبجلاء تعمد المدعو يسري فودة الهارب للخارج التطاول علي أعلي سلطة في الدولة وعلي رئيس مجلس النواب وامام ذلك لايسع المبلغ الا التقدم ببلاغة هذا ملتمسا من سعادتكم بعد الاطلاع علي حافظة المستندات المرفقة اصدار الامر بالتحقيق العاجل في الوقائع موضوع البلاغ والجرائم التي ارتكبها المذكور واحالتة للمحاكمة الجنائية العاجلة
وتفضلوا بقبول فائق التقدير والاحترام
د سمير صبري المحامي.