في مكان المفروض أنه كافيه محترم اسمه فريندز في المهندسين في ميدان لبنان..

انا كنت بقعد كثير مع صحابي هناك .. و بعدها لما عجبني المكان خليته مكان شغلي و بقيت انا و كل افراد الشركة بتاعتي بنعمل مقابلاتنا هناك ..
المكان المحترم ده من كام يوم اتسرق موبايل زميلتنا في الشغل و هي قاعدة على ترابيزتها .. و قلبنا عليه الكافيه و الستاف بتاع المكان بالمدير بتاعهم كان بيدور معانا عليه و ملقيناهوش و الموبايل اتقفل .....
بغض النظر عن فكرة انه ازاي تتسرق و انت قاعد في كافيه محترم كده مش في قهوة بلدي ( مع الاحترام لكل القهاوي البلدي ) .. و انه الموبايل اتاخد من عالترابيزة في قلب الكافيه ولا اكننا قاعدين في الشارع !!!
و لكن قلنا معلش و ده قضاء ربنا و الحمدلله .....
تاني يوم مباشرةً .. زميلتنا في الشغل رقمها اتغير على جروب الواتساب .. دخلنا نشوف ايه الرقم ده ..
طلع رقم مدير ستاف الكافيه المحترم .. و لقينا صورة الواتساب بتاعته منورة قدامنا 
الباشا شال شريحة الموبايل اللي سرقه و حط شريحته !!!
يعني حرامي و غبي !!!!! 
المهم مرضناش نعمل مشكلة في المكان اللي بنحبه .. و حد مننا خده على جنب و وراله الصور و قاله احنا عرفنا ان الموبايل معاك .. الباشا وشه جاب الوان و منطقش غير بكلمة " بكرة الموبايل هيبقى عندك "
سبناه يومين و جينا نسأله .. بمنتهى البجاحة بيرد " انا مخدتش حاجة و اللي عندكم اعملوه !!! " 😳
" طب و السكرينات و صورتك و رقمك دول ايه ؟!! "
" ولا اعرف عنها حاجة و اللي عندكم اعملوه برضه و عندكم القسم روحوله "
.......!!!!
و الاحلى ان صاحب الكافيه شاف السكرينات و بيقولنا انا مليش دعوة منكم ليه .. ولو عايزين تجيبوله البوليس براحتكم .........
اقسم بالله ما شفت بجاحة ولا سفالة كده في العالم ...!!!!!!!
الشخص اللي مش محترم ده اسمه شريف مدير الستاف بتاع الكافيه ..
و دي سكرينات رقمه على جروب الشغل بتاعنا .. و صورته اللي عالواتساب .. و اكونت الفيسبوك بتاعه اللي طلعلنا لما عملنا سيرش برقمه .........
الناس تخلي بالها يا جماعة .. ولا كافيه ولا فندق ولا منتجع سياحي حتى امان .. مفيش مكان امان و امين غير بيتك للأسف ....
و محدش يعتب المكان القذر ده بجد ...
و طبعاً حقنا هنجيبه بكل الطرق القانونية و مش هنسكت .. و حسبي الله و نعم الوكيل
Friends Cafe & Restaurant
#الحرامية
#شير_من_فضلكم
#شير_فضلا_وليس_امرا
#شير_في_الخير
#شير_عشان_ميضحكش_علينا
#power_of_social_media
Don't Shop Here - (A list of Untrustworthy Shops in Egypt)
Don't Shop Here - Egypt
Don't Shop Here Page
Don't Shop Here