جماهير بنى سويف تعبر عن غضبها الشديد بعد هزيمة المنتخب للمرة الثالثة على التوالي بـ"المونديال"
الإثنين 25/يونيو/2018 - 07:30 م
شعبان طه
طباعة
تعالت أصوات الجماهير الغاضبة ببني سويف، اليوم الإثنين، تجاه أداء المنتخب المصري بكأس العالم بروسيا لعام 2018، والخروج من دوري المجموعات بـ3 هزائم متتالية، وعدم الحصول على أى نقطة بمباريات كأس العالم بالمجموعة الأولى من البطولة، إذ حل المنتخب المصري بالمرتبة الرابعة بالمجموعة، إثر الهزيمة الأولى من المنتخب الأوروجوياني بنتيجة هدف مقابل لا شيء، بنتيجة 3 أهداف مقابل هدف تلقى الهزيمة الثانية من المنتخب الروسي، وفى آخر مشاركاته بالمونديال العالمي كانت الخسارة بنتيجة هدفين مقابل هدف من المنتخب السعودي.
رصدت "بوابة المواطن" الإخبارية، آراء عدد من المواطنين والجماهير إزاء الهزائم الثلاث للمنتخب بهذا التقرير.
قال أحمد سيد، هناك "فساد كروي، مش ممكن ، قمة القرف، مصر تستحق الخسارة بجدار لا شكل ولالون "، وتابع:"ما المنتظر من منتخب مسئول عنه شوية طبالين، ويزحف وراءه الراقصين، لابد عاجلا من فتح ملفات فساد اتحاد الكرة، فلا يجوز أن تتحكم مجموعة مستهترة في تاريخ دولة ومشاعر شعب لا يملك أي فرحة سوى كرة القدم".
وأضاف عماد حامد، " يا أخي دة ولا لعب ولا خطة ولا منظر في الملعب ولا أي زفت علي دماغة ماتش بين فرقتين خسرانين و كدة كدة خرجوا اشمعنا هما اللي يمسكوا كورة و يهاجموا و احنا ندافع و بعدين دي فرقة ندافع قدامها اومال هنهاجم امتي ؟".
وأشار هشام جمال، إلى وجود "رئيس اتحاد كره لا يعلم شئ، وأعضاء اتحاد مثله ومدرب فاشل مش قادر يطور فكرو لدرجه اني والله العظيم كنت حافظ التغييرات اللي هيعملها شويه لعيبه بياخدو فلوس وخلاص مش هاممهم الناس اللي بيتحرق دمها ".
وأوضح جمعة خليل، أنه "بعد غياب 28 عام منتخب مصر يخرج صفر اليدين من مونديال كأس العالم، شابوه كوبر واعوانه لفشلهم الذريع ومجاملاتهم الدائمة لأنصاف اللاعبين، مبرووك للأشقاء بالسعودية".
وقال هلال سيد، "كوبر الفاشل، جعل مصر حصالة كأس العالم بدون أي رصيد من النقاط، والحمد لله الكهربا قطعت و ماتش المنتخب شغال، وأنا حرفيا بقا بيجيلي احساس بالاكتئاب والقرف لما بتفرج علي ماتشات المنتخب، و انا اعرف منتخب يدافع كويس بس هجومه تعبان أو يهاجم كويس بس دفاعه تعبان، ولكن اول مره اشوف منتخب لا هو اللي بيدافع ولا هو اللي بيهاجم ".
وأضاف سليمان حامد، " انا لحد دلوقت مش فاهم إحنا بنعمل ايه ودورنا ايه ف الملعب ومعرفش هما جايين يعملوا ايه ف كأس العالم اساسا واخرتها نتغلب من بتوع الكبسه ايه القرف والهم ده، وطول ما إتحاد الكرة دول موجودين يبقى عمرنا ما هنشوف كوره كويسه ابدا ".
وقال محمد كمال، "اقسم بالله لو جبنا اَي فريق مصري ليكسب السعوديه عن المنتخب ده، لعيبه زي الزفت ومدرب سئ، واتحاد كرة مش فاهم حاجة، وعموما مبروك للمنتخب السعودي فعلا تستحقوا الفوز لعبتوا رجاله لحد اخر ثانيه".
