انا صعيدي
-------------------
انا صعيدي لي شال وعمة
قلبي من الغل خالي
الام نقتلي عمة
وابويا نقالي خالي
--------------------
انا صعيدي من وجهة قبلي
عندي مراكب ومينا
راجل مئصل وقبلي
جدي اللي كان اسمة مينا
---------------------
اكرهة قوي اللي ابوة شين
وابو قلب اكحل وجاحد
معرفش ابقي بوشين
ربي خلقني بواحد
---------------------
مليش دعوة بلي بيدي
غير ربي ما حد عاطي
اخدم ضيوفي بيدي
لندل عمري مطاطي
---------------------
اقسم نصيبي انا بحق
من غير ما ارفع محامي
ولا يوم احود عن الحق
لو كان مولع وحامي
---------------------
الهزل ويايا ممنوع
فالجد تلقاني حاضر
لو مت عطشان وبالجوع
ما اقولش لندل حاضر
----------------------
مصحبش ابداصاحب طيش
انقي اللي راجل وراسي
لندل عمري موطيش
لو حتي هتفط راسي
----------------------
مع الهلس ابدا ما ارتحش
ويا ة اسد المداخل
وان قولت كلمة ما ارجعش
لو حتي ع القبر داخل
-----------------------
عن اهلي وحبايبي ما ابعد ش
مهما عليت في علامي
مع ابو اصل واطي ما اقعدش
وعلية ما ارمي سلامي
-----------------------
اقولك كلام زين عاوز فهم
انا اللي كاتبة بايدي
لوشفت راجل جدع شهم
اعرف اكيد دة صعيدي