عودة داليا الفغال .. مثلية اتهمت يسري فودة بالتحرش ودافعت عن نوران وميرال
الإثنين 31/ديسمبر/2018 - 01:32 م
وسيم عفيفي
طباعة
أدت أزمة نوران وميرال إلى عودة داليا الفغال إحدى أشهر حالات المثلية في مصر خلال السنوات القليلة الماضية، حيث صبت جام غضبها على المنتقدين لحالة نوران وميرال.
داليا الفغال .. المحجبة التي صارت سحاقية
داليا الفغال .. المحجبة التي صارت سحاقية
بدأت أزمة داليا الفغال في يوليو 2017 حين جدلا واسعا على موقع التواصل الاجتماعي "فيس بوك"، بعد إعلانها عن تهنئة والدها لها، لارتباطها بفتاة.
وكتبت داليا الفغال وقتها"مكنتش مصدقة إني هيجي اليوم وبابا يباركلي على علاقتي بواحدة، ويكلمني في التليفون علشان يقولي بتمنالك توفيق وسعادة"، مرفقة بها صورة مع صديقتها المرتبطة بها.
وكتبت داليا الفغال وقتها"مكنتش مصدقة إني هيجي اليوم وبابا يباركلي على علاقتي بواحدة، ويكلمني في التليفون علشان يقولي بتمنالك توفيق وسعادة"، مرفقة بها صورة مع صديقتها المرتبطة بها.
الرجوع إلى منشورات داليا الفغال يشير إلى أنها ردت على من انتقدوها قائلةً "ردًّا على الهجوم اللي تم على شخصي وعلى أهلي بخصوص حياتي الشخصية.. أحب أعرف نفسي، أنا داليا، البنت اللي تم التعدي على خصوصياتها وتم نشر تفاصيل من حياتها الشخصية وادعاءات مالهاش أي أساس من الصحة، والتعرض لأهلها بأقبح الألفاظ والصور الممكنة وإهانات، ما اتقالتش على القتلة والمجرمين والمغتصبين واللي خيبوا آمال شعوب بأكملها وجوعوها وشردوها وتلاعبوا بيها.. أنا اللي اتقال على موضوعي إنه من علامات القيامة، أو إن القيامة المفروض تقوم بسببي، لكن كل اللي بيحصل في العالم من كوارث في كل مكان ومآسي ومجازر وناس بتموت من الجوع والقهر والذل لا يستحق إن القيامة تقوم عشانه.. أحب الأول أقول إن أبويا زيه زي المجتمع اللي هوا عايش فيه اللي بيرفض المثلية، أبويا مسلم محافظ ومؤمن بإن اللي باعمله "غلط وحرام".
وأضافت: "الفرق ما بين أبويا بقى وبين أي حد تاني، إنه فاهم الأبوة صح وبيحبني حب غير مشروط، حتى لو كنت أنا غلط، بابا بيتمنالي الهداية، وإني أبقى "غيرية" أو باميل للذكور، وأتجوز وأخلف من ذكر. بابا قاطعني سنين طويلة في حياتي وأخد وقت طويل عقبال ما كلمني، وأنا كبنته، بارة بيه وباحبه حب ماحدش يتصوره حتى لو كان شايف إن اللي أنا عليه "إثم" و"حرام".
بابا لما قاللي مبروك، قاللي كده عشان قلتله إني سعيدة، وتمنالي السعادة من بعد ما تمنالي الهداية. وإن دي حياتي الشخصية وأنا مسؤولة عنها، ولو حرام بالفعل أنا اللي هتعاقب في الآخرة مش حد تاني غيري.
اللي باعمله بالنسبة لبابا حرام؛ بس مش في حرمة الدم وأذى الآخرين والسرقة والخديعة والجشع، وشايف إنه بما إني شخص كويس، هتبقى نهايتي كويسة، وأنه مش ربنا عشان يحاسبني، هوا في إيده بس النصيحة المستمرة والحب والدعم وإنه يبقى جنبي لأني بنته".
وعن سفرها خارج مصر، فقالت: "أحد الأسباب اللي خلتني أسيب مصر، إن الظلم والأذى ليهم ألف مبرر ومقبولين، وهلاقي ناس شايفة التعدي عليا وعلى أبويا وأهلي كلهم بالألفاظ والأذى والتهديد شيء عادي جدا، بل وواجب كمان، حتى لو كان سلوك الناس اللي بتتعدى دي حقير وجريمة يعاقب عليها القانون. كمان عشان الصورة النمطية عن المثليات اللي الناس بتشوفها في الأفلام اللي بترسخ فكرة (العقدة النفسية) وأنها شخص مريض أو ناقص أو مرفوض والناس بتقرف منه، محدش بيشوف إن المثلية دي (مع إني أرفض التصنيف) ممكن تكون شخص متفوق وناجح في حياته الشخصية والعملية وبيشتغل في مكان حلم الأمريكان وكل المهتمين بالمجال التقني في العالم يشتغلوا فيه.
حكايتها مع يسري فودة
حكايتها مع يسري فودة
تفجر داليا الفغال في حياتها مفاجأة كبيرة وهي مسألة تحرش يسري فودة بها، وفي هذا تقول على مدونتها الشخصية " في البداية عملتله إضافة أيام الثورة من دافع الحماس وانه كان مناضل وكدا زي ما عملت اضافة لناس كتير وقتها، بعدين لما لقيت اني ممكن حياتي الشخصية تشكل خطر عليا في مصر مسحته، رجع أضافني تاني، بعدين بعتلي رسالة اني عندي قبول ومش عارف ايه، الوقت دا كنت فيه ف السويد وكنت ف وضع سيئ لأقصى درجة، بمر بعلاقة غير جيدة، أهلي مقاطعني، بدور على شغل بعد ما خلصت دراسة في مدرسة مشهورة جدا ف السويد، ووضعي المادي جعلني أكثر اندفاعًا لأني كنت فقيرة جدًا وببحث عن أي فرصة عمل أو تدريب بعد الدراسة.
وواصلت "يسري فودة سألني عن مؤهلاتي أنا بعرف أعمل إيه، وقاللي إن البرنامج بتاعه بيعملو فيه نفس اللي أنا بعمله من تحليل بيانات السوشيال ميديا ودراسة تفاعل الناس مع أخبار معينة، المهم قال انه هيتحمل التذكرة على نفقته الشخصية كا Good well gesture ، أنا قلت في أصدقاء مشتركين وهو شخصية عامة، عايش برا من زمان، أكيد مش هيكون الموضوع مريب، وياما حجزت airbnb وعملت couch surfing وماتعرضتش لشيء، وأنا عرفت أتصدى لأغلب اللي حصلي، فهخاف ليه؟ رحت برلين كان حاجزلي طيارة ذهاب وعودة، وكنت على أمل أعمل انترفيو للبرنامج بتاعه وأشتغل لو في فرصة، هو قاللي أنه ممكن يحجزلي اوتيل لو حابة، قلتله هيبقى مكلف عليه بس لو ينفع يكون شيء لطيف جدًا وهسددهم في وقت مادياتي تسمح فيه.
وواصلت "يسري فودة سألني عن مؤهلاتي أنا بعرف أعمل إيه، وقاللي إن البرنامج بتاعه بيعملو فيه نفس اللي أنا بعمله من تحليل بيانات السوشيال ميديا ودراسة تفاعل الناس مع أخبار معينة، المهم قال انه هيتحمل التذكرة على نفقته الشخصية كا Good well gesture ، أنا قلت في أصدقاء مشتركين وهو شخصية عامة، عايش برا من زمان، أكيد مش هيكون الموضوع مريب، وياما حجزت airbnb وعملت couch surfing وماتعرضتش لشيء، وأنا عرفت أتصدى لأغلب اللي حصلي، فهخاف ليه؟ رحت برلين كان حاجزلي طيارة ذهاب وعودة، وكنت على أمل أعمل انترفيو للبرنامج بتاعه وأشتغل لو في فرصة، هو قاللي أنه ممكن يحجزلي اوتيل لو حابة، قلتله هيبقى مكلف عليه بس لو ينفع يكون شيء لطيف جدًا وهسددهم في وقت مادياتي تسمح فيه.
وتابعت حديثها "وصلت برلين، واستقبلني، رحنا بتاكسي لبيته.. كنت ابتديت اقلق لأنه قال هيحجزلي مكان، بس قلت إني مش ف موقف جيد ماديًا ومش هعرف اروح فين ومعاييش فلوس حتى أجيب خط ألماني، رحت بيته ف منطقة راقية ف برلين، عزم عليا بأكل وقعد جمبي عل كنبة اللي قاللي اني هنام عليها، لغاية كدا مافيش مشكلة واضحة —غير خوفي الداخلي وتوجسي منه لأنه وعد وأخلف، شوية بشوية لقيته بيقرب مني، بيسألني لو كنت مارست جنس مع الذكور وليه، والنقاش استمر على أسئلة من النوع دة وانا بحاول أغير فالموضوع، اللحظة دي حسيت أنه بيديني مقدمة عن اللي ناوي يعمله، شوية ولقيته بيقرب مني بشكل مزعج، طلبت منه يبعد أكتر من مرة لغاية ما راح ينام.
وكشفت "أنا كنت طلبت باسورد النت عشان أكلم حد من أصدقائي يعرف حد في برلين أبات عنده، عيني كانت مفنجلة طول الليل ومرعوبة أنام، كنت بفكر ازاي انزل والدنيا نص الليل وهروح فين ولمين فقررت انزل الصبح، لقيته صاحي، كنت بتمنى من قلبي انه يتعدل عشان أمشي في سلام، في الوقت دا كان مخطوب لحفيدة عبد الرحمن الكواكبي اللي قعد يكلمني عن ليه هوا بيمارس علاقات بدون ما يقولها".
وقالت "مع الأسف بقى.. الموضوع تمادى فيه، مكنتش مقتنعة ولا مصدقة اللي بيحصل، كنت حاسة اني مضطرة أمشي الموضوع لأني مش عارفة لو هربت هاخد حاجتي كلها وأجري ازاي، كنت بحاول أخلي الأمر أسلم ما يمكن، كنت عاملة حساب سؤال ايه اللي وداها هناك؟ وهل عندي قدرة أحكي؟ كانت ضربة حظ لما قررت إني امشي ومشيت من غير ما أسلم حتى، ولما خرجت بحاجتي وبسلام وهوا كان ورايا بيمشي وبيسألني في ايه في ايه كنت حاسة إني كنت ف موقف أشبه بالموت، رحت عند مكان فيه انترنت وكلمت صديق ليا ولقيت مكان أقعد فيه على بعد ساعتين من برلين في سكن جامعي الكلام دا حصل في ٩ سبتمبر ٢٠١٦ أنا حسيت انه واجبي أدلي بشهادتي لأني كنت مستنية ناس تانية تتكلم عشان أتضامن معاها لأن طريقته ف التعامل كانت بتأكدلي اني مكنتش الشخص الوحيد اللي اتصرف معاه بالشكل دا ليه سكت كل دا؟ معنديش طاقة للمهاترة، معنديش طاقة لأمثاله ودراويشه والمجتمع اللي انا جاية منه، أنا بالتحديد وضعي في غاية الحساسية فليه أجيب لنفسي وأهلي مشاكل؟ وطبعا جماعة الـ attention whore اللي حتى في مجتمع الميم هلاقيهم بيخروا بما ليس لهم به علم بس دلوقتي أنا فعلا حاسة بالقوة إن في غيري اتكل".
