روى عم محمد الشرقاوي لـ بوابة المواطن الإخبارية، تفاصيل حبه وشفغه لتلك المهنة قائلاً:« بعمل العصير بخمسة جنيه كوكتيل بقالي 30 سنة».

الفكرة والهدف من عربة العصير 

وعن الهدف من الفكرة رد بـ:«هدفي من الفكرة إني اعمل شوية عصير للمحتاجين من الناس، والحمدلله ربنا أكرمني والدنيا ماشية، وببص للغلبان اللي زيي وزيه المهم إن إحنا نبص لبعضينا».

وتابع:«خاف ربنا في شغلي وفي رمضان بعمل الازازة بعشرة و 15 جنيه، وتعتبر أرخص إزازة في مصر لازم أبقى قريب من الزبون، وزبايني من كل مكان من الصعيد لبورسعيد».

أنواع العصائر على العربة 

بالرغم من أن سعر عبوة أو كوب العصيرة زهيدة، إلا أنه تمكن صنع الكثير من ورائها، مستطردا حديثه:«الحمدلله الـ 5 جنيه تمن الازازة بدخلي مكسب، وجوزت بناتي وجيبت بيت وأنا أصلا من الشرقية وملقب بالشرقاوي».

وعن أبرز أنواع العصائر:«عمل مانجا بالموز وقرع عسل، وبعمل فراولة بالتين، أي حاجة بعملها الزبون بيقبلها ودي محبة من عند ربنا».