رد الفنان الشعبي سعد الصغير، علي اتهامات المطربة الشعبية بوسي له، قائلا:"انت مدفعتش لأبوها فلوس علشان أحاربها، وأنا واقف معاها بقالي 10 سنين". وأضاف خلال لقائه ببرنامج "العرافة" المذاع علي قناة "النهار":"كل اللي طلبته من بوسي إنها تكلم أبوها وتقوله أنا مسامحاك ومتطلعش في التليفزيون وتقول إنها اللي جبتله الحاجات بتاعة تجهيز الشقة وتابع:"بوسي رفضت تسامح أبوها، واللي انا عرفته إن والدها عذبها عذاب الدنيا بس هو برضو أبوها وكان محتاج 4000 جنيه علشان يعمل عملية في عينه، انا وقفت مع أبوها علشان احنا كنا عائلة وكنا أكتر من الإخوات لما كنا شغالين مع بعض في شارع الهرم ولفت:"انا باروح لبوسي وهي عليها 30 إيصال أمانة، وطليقها الراحل فطين كتفته وجابته وضربته بالشبشب علي وشه، هو ظلمها بس مينفعش تحبسه كانت تقوله اتكل علي الله وتسيبه، هي لما حبسها رفع عليها قضية".