الحياة عبارة عن كلمة في مشهد نعيشها يوميًا باختلاف الأدوار التي نتقاسمها، ولكل منا مشهد نقوم به، وهذا ما يعبر عنه السينما والدراما والمسرح بكافة الأشكال.

كلمة في مشهد
ونحن نتعايش مع كل مشهد كأنه جزء من حياتنا بالفعل، لكي نأخذ منه عبرة أو حكمة نسير عليها في حياتنا، يوجد من يشعر أنها بالفعل جزء من حياته والواقع.

وكلمة في مشهد اليوم من مسلسل، «عباس الأبيض في اليوم الأسود» والتي دار المشهد بين يحيى الفخراني (عباس الدميري لطفي الجنايني) ماجدة زكي (مهجه).

- والله يا ست أنا ما أعرف لطفي الجنايني دا ولا عُمري شفته في حياتي كل علاقتي بيه إنه إداني باسبورو
= يعني هو إداك باسبورو ومشي هو بدون باسبور !؟
- ما هو ما عادش محتاجه
= يا لهوي مات ؟
- هو أنا قُلت مات،، أنا قُلت إني آخر مرة شُفت فيها المرحوم
= المرحوم يبقى مات
- لأ لالا يا ستي الرحمة تجوز على الحيّ والميت
= طب قالك إيه يا خويا وقلتله إيه، لسة فاكرني لسة فاكر العيال ؟
- هو الحقيقة آخر مرة شفته لا قالي ولا قلتله
= ليه ؟ كان تعبان ؟
- قوي كان تعبان قوي سطيحة ما بينطقش
= إتخرس ؟
- مش بالضبط، هو يعني ما كانش حاسس بيَّ ما سامعنيش
= إتطرش يا خويا ؟
- يا ست أم محمود جوزك لا إتخرس ولاإتطرش ولا إتعمى
= الحمدلله
- جوزك مات
= يا لااااااهوي

اقرأ ايضا| كلمة في مشهد| ما حدش يقدر يفرض شروطه على التاني