بعد إعلانه عن الحالة التي قد تسبب كوارث حقيقية بإنتشار مرض الايدز بمدينة الاسكندرية أول أمس قامت مباحث المصنفات المختصة بمراقبة مواقع التواصل الاجتماعي والإنترنت بغلق الحساب الرسمي للدكتور حاتم البنا علي موقع الفيسبوك.

حيث قام الدكتور حاتم البنا  الطبيب بإحدى مستشفيات وزارة الصحة بالإسكندرية  بتقديم تحذير للجمهور من احتمالية انتشار مرض نقص المناعة المكتسب "الإيدز" داخل الإسكندرية ، وذلك عن طريق فتاة كشفت عنده وعرف قصتها بالمصادفة .

وقال "البنا" في منشوره الذي  لاقي إقبالا جماهيريا كبيرا وحصوله علي آلاف المشاركات والإعجابات : "جاتلى من كام يوم واحدة ست شيك فى أواخر الأربعينات ومعاها بنت حاجة وعشرين سنة، من ملابس البنت وشكلها واضح إنها عايشة فى الشارع.. المهم الست دى كانت ماشية وشافتها صعبت عليها جابتها تكشف عليها".

وأضاف: "المهم كشفت عليها كشف ظاهرى كده البنت واعية كويس و بتفهم كويس مش متخلفة عقليا يعنى ، وهى متعرفش أهلها ، هى طلعت لقت نفسها فى الشارع ، طبعا جسمها كله سحجات خفيفة كده ، و شكيت من الكشف إنها حامل لأن بطنها كانت كبيرة شوية ، سألتها انتى متجوزة ؟ قالت لا .. استدعيت دكتور النسا عملها سونار وفعلا طلعت حامل فى أربع شهور ومكانتش تعرف ، وقالت إنها كانت حامل قبل كده وسقطت فى الشارع كده من غير أى رعاية طبية .

فسألتها مين والد الجنين ، قالت معرفش ، فى كذا حد بيعتدى عليها جنسيا وهى كانت بتقاوم زمان بس لقت إنها بتتضرب وتتعور وفى الآخر بياخدوا اللى هما عاوزينه -على حد تعبيرها- فمبقتش تقاوم وعلى حد وصفها إنهم بالمئات لأن كل واحد كان بينجح إنه يعمل معاها حاجة كان المرة اللى بعدها بيجيب أصحابه معاه ، واصحابه يجيبوا اصحابهم".

 قال : "ملخص الأحداث بخصوص التطورات اللى حصلت فى موضوع البنت المصابة بالايدز ... 1.عند محاولتنا عمل محضر : حضرتك مفيش حاجة اسمها كده ، احنا مش الجهة المختصة ، ممكن يتعمل للبنت محضر اداب و يتقبض عليها ولازم تلبس لكن غير ذلك منقدرش نعمل حاجة .

2. الجمعية المصرية لمكافحة الايدز : مفيش فى ايدنا حاجة نعملها احنا دورنا اننا نوعى الناس بس لكن منقدرش نجبر حد انه يعمل تحليل او ياخد علاج

3.مسؤول كبير فى وزارة الصحة  : هو حضرتك دكتور ؟ اصل لو انت دكتور يبقى اكيد فاهم يعنى . انت شغال فين ؟ ومين مديرك ؟  بص يادكتور احنا منقدرش نروح نعمل تحاليل للناس بالعافية ، اللى عاوز بيروح الحميات و بيتحلله وبياخد علاجه فى سرية تامة .

وحضرتك عارف أن الايدز مش بيتنقل عن طريق الاكل والشرب والهوا ، مش هيعمل ابيديمك يعنى ، ومريض الايدز بيقدر يتعايش مع الفيرس لسنين طويله ، الايدز مش هو اللى بيجيلنا احنا اللى بنروحله عن طريق المخدرات بالحقن و العلاقات الجنسية المتعددة ، يبقى مفيش مشكلة .