"أشكال تسئ لسمعة حماة الوطن".. منتحل صفة أمين شرطة: "لله يا محسنين"

الأحد 20/أغسطس/2017 - 06:09 م

آية محمد

نشرت صفحة امسك مرتشي‎، علي موقع التواصل الاجتماعي الفيس بوك، صورة وحكاية منتحل صفة أمين شرطة يتسول أموال في محطة المترو بدعوي أنه فرد أمن ولا يملك من المال ما يجعله يذهب لعمله.

ويتعاطف معه الجمهور وكلا يعطيه علي قدر استطاعته حتي تمكن طالب بالكلية الحربية من كشف انتحاله للشخصية الرسمية وسلمه للأمن.

وإليكم نص ما نشرته الصفحة..

يا جماعه الشخص ده انا مسكته انهرده في محطة المترو بياخد فلوس من الناس علي اساس انه رايح الشغل بتاعه ومش معاه فلوس.

وطبعًا في ناس كتير ادتله فلوس لانهم فاكرين انه امين شرطه فعلًا... وهوا اصلًا شخص منتحل وبيعمل كده عشان يلم فلوس من الناس وخلاص بس انا طبعًا اول ما شوفته عرفت علي طول انه منتحل واول ما طلبت منه الكارنيه بجح معايا في الكلام وقالي انتا مالك وكده..

واول ما وريته الكارنيه بتاعي وعرفته اني طالب بالكليه الحربيه اتلخبط في الكلام وفضل يجرر ناعم ويقول انا بعمل كده عشان مش معايا فلوس والكلام ده...بس انا مسمعتش كلامه وسلمته للشرطة الي في محطة السادات لان الاشكال دي الي بتسيئ لسمعة الشرطة...

ويريت الناس تاخد بالها من الاشكال دي لان الانتخال مبقاش علي الفيس بس دلوقتي في ناس بتسرق بدل ميري وتتصور بيها ويقولو انهم ظباط او امناء لغرض انه يلم فلوس او يضحك علي بنت او يقولك هخلصلك مصلحه قصاد كذا والحاجات دي كلها.. يريت ناخد بالنا من نفسنا وربنا يحفظنا جميعًا..