وأضاف «أولًا بشكر كل صحفي وإعلامي احترم رغبتي في عدم التعليق على الكلام الكتير أخر فترة، لكن واضح إن السكوت عند بعض الناس بقى يتفهم غلب وخوف ومحدش بيقدّر احترام الواحد لخصوصياته».

وتابع أحمد إبراهيم «أنا بعرف اتجاهل على فكرة وكنت سكت طول الفترة الأخيرة ورفضت ألف برنامج للرد على تجاوزات في حقي وحق زوجتي الثانية أو اتهامات كاذبة في حق زوجتي الأولى منسوبة ليا واتهامات من ناس عاملين حبايب وقرايب، بيسخنوا الدنيا ضدي وضد زوجتي الثانية غيرة وغل لكن ربنا الحافظ».

اقرأ أيضًا: تصرف غريب من ياسمين عيسى مع أحمد إبراهيم زوج أنغام

كما استكمل «سكت لإني كبير وأعرف أدير بيتي إزاي ومش من هواة الرد و١٧ سنة شغل لا جريت على مادة ولا شهرة لإني شبعان ولإني بتقي الله وبستخيره في تصرفاتي وبأخد قراراتي بنفسي واللي عارفني عارف مين أحمد إبراهيم، اللي في الصورة معايا دي مراتي وحطاني فوق دماغها وبترضيني قبل ما تبقى نجمة وأهم مطربات مصر والوطن العربي».

واستطرد حديثه «محدش بيجبر حد على حاجه واللي في الصورة معايا لا خدتني من بيتي وولادي ولا خربت بيت حد ولا ألف شخص يقدروا يحرموني من ولادي، ولادي في حضني هما وأمهم بنت الأصول في رقبتي وعايشين في خيري ومن عرقي ومحدش اشتكى عشان حضرتك واللي زيك يشحت بيهم والحمد لله ولادي زي الفل ومعايا ومامتهم فوق دماغي وشايلة لسه اسمي ووش الخير عليا وسواء كملنا أو انفصلنا هتفضل أم ولادي وكله نصيب ومش ضعيفة عشان حد يدافع عنها».

واختتم أحمد إبراهيم «للي قدامك وبتقول عليه قد ابنها، ده عنده ٣٦ سنة ومخلف ولدين واحد فيهم ٨ سنين ومتجوز ٢ وفاتح بيتين، واتمرمط واشتغل ألف شغلانة وهو صغير وبيساعد في فتح بيوت كتير بفضل ربنا من صغره، وفرق السن يا جاهل اللي بيني وبين مراتي ١١ سنة يعني أقل ٤ سنين من الفرق اللي بين السيدة خديجة والنبي، أنا صاحب أهم بصمات ونجاحات ناس أكبر مني في السن ماحققوش ربعه وبفضل الله أعلى سعر موزع موسيقى حاليًا مع اتنين تلاتة كمان من جيله على مستوى الوطن العربي».

اقرأ أيضًا: فيديو| ظهور أنغام وأحمد إبراهيم لأول مرة سويًا