بعد زيارته لسوهاج.. أبرز رسائل الرئيس السيسي للشعب المصري: «بيكوا هنقدر نكمل
الخميس 05/يناير/2023 - 05:16 م
محمود حربي
طباعة
وجه الرئيس عبد الفتاح السيسي، اليوم الخميس، عدد من الرسائل للشعب المصري وأهالي الصعيد في الزيارة التي أجراها لمحافظة سوهاج لتفقد عدد من مشروعات حياة كريمة إلى جانب افتتاح مشروعات تنموية بالمحافظة.
وتستعرض «بوابة المواطن» أبرز رسائل الرئيس من محافظة سوهاج كما يأتي:
«كل سنة وانتوا طيبين، أنا سعيد جدا، تحيا مصر بيكوا».
«المشوار لسه بدري دي أول مرحلة لسه قدامنا مرحلة تانية وثالثة».
«وعدنا الناس في ريف مصر إننا نعمل كل المراحل، وبيكوا وبالناس اللى بتطوع هنقدر نوصل».
«إن شاء الله بيكوا وبينا وبفضل الله قبل كل شىء هنخلص المراحل دي».
«والله العظيم اللي حمى مصر ربنا، أنا بحلف وهو يعلم ما في نفسي، اللي بيتعمل مش فضل أو منة ده من عند ربنا قبل كل شيء، ثم ده حق الناس، ويا رب يعيينا نعمل أكثر».
«قدمنا كتير أوي أوي عشان نغير كل حته في شوارع مصر».
«الحكومة مطحونة أوي ومش هطلع حاجة من جيبها».
«احنا صرفنا 7 تريليون بس الرقم ده ولا حاجة البلد عايزة 70 تريليون».
«الصعيد مكنش مهمش ولا حاجة البلد مكنتش قادرة بس».
«البلد اللي ظروفها وحشة مفيش عندها غير الحلم والفكرة والعمل».
«أنا متابع كل الميديا وبتابع كل التعليقات وأنا مكمل برده في البنية الأساسية لينا».
«لازم تفكروا كويس أوي قبل الكلمة ما تطلع منكم عشان هنتحاسب عليها أمام الناس والتاريخ وقبل كل دول أمام الله».
«سعيد اني شوفتكوا، وأهلا وسهلا بيكوا».
